Заштита на населението во општините Струмјани и Карбинци преку спречување на штетите од поплави

Проектот има за цел враќање на нормалниот социјален и економски живот на повеќе од 7977 луѓе. Тој нуди сложено решение за проблемите со високите води во две најпогодени општини - Карбинци и Струмјани. Во проектот се вклучени како главни активности корекција на речните корита на Козјачка Река во Карбинци и на реката Шашка во Струмјани затоа што тие со своите нарушени корита се закана за територијата и инфраструктурата и здравјето на граѓаните од двете општини. Со проектот се предвидува изведување на градежни работи во двете општини и под надзор на независна градешна контрола. Проектот е изработен врз основа на прелиминарни студии и анализи на состојбата на двата водотека. Со реализацијата на проектот ќе се осигури безбедноста и здравјето на населението во целиот регион.
Главниот резултат на проектот ќе биде подигнатата безбедност на локалното население од Струмјани и Карбинци од природни непогоди и спречување на  поплави во главните населби на двете општини. Резултатите на проектот се однесуваат на спречување на катастрофи, поплави во урбанизирана територијата на Струмјани и Карбинци преку корекција на водните текови, изградба на заштитни ѕидови и чистење на 256 метри од коритото на реката Козјачка и за реката Шашка ке се реши дел од претекот помеѓу прагот 4 и прагот 28 со аксијална должина од 340 метри и вкупна должина од 682 метри на потпорни ѕидов по двата брегаи. Друг основен резултат на проектот е создадавање на капацитет од 30 претставници на општинската администрација и експерти од други одговорни инситуции за дејствување во областа на решавање на природните непогоди во  Карбинци и Струмјани (како РИОСВ, Дирекции, општина Струмјани, општина Карбинци, невладини организации, Регионална  администрација итн), вклучувајќи ги и младите и ромите како и лицата со посебни потреби. Претставници на целната група ќе се запознаат со примена на новите технологии во областа на справување со катастрофи, можноста за партнерство во спречување на катастрофи, улогата на населението во програмата за спречување на катастрофи итн. Следењето на состојбата со речните корита и нивното чистење ќе биде правено редовно во период не само од 5 години по завршување на дејностите на проектот, резултатите ќе бидат дистрибуирани и доставени до сите релевантни органи, кои имаат обврска за одржливо управување и превенција од катастрофи.